السلام عليكم و رحمة الله و بركاته
للتواصل مع الناس الغالين في هالمنتدى الغالي
مرتاح من غيري؟.. عسى الله يهنيك
اشرب من اقداح الهنا والسعادة
مرتاح من غيرك؟.. عسى ما يوريك
ربي و تعرف ويش يعني ( نكادة)
الحال متردي.. ولاني بشاكيك
خلك كذا نايم على اكبر وسادة
الا على طاري الوسادة وطاريك
عسى لذيذ النوم جاك فبعاده
اما عن احواله.. ترا ما بوصيك
لا تنشده وش له.. وليش اتقاده؟
دام البداية هي النهاية ونا خيك
لا تبتدي اصلا تراها (قراده)
لا قلت انا احبك.. كلام بشفاتيك
و ما قدمت عينك معاها شهادة
اعرف بأن الريح.. تمحي خطاويك
و ما تمحي اخطائك منك الاستزادة
يعني من الآخر ..ولا ظن يخفيك
القلب متمرس وفيني ركادة
ماني من اللي يوم تشر.. يلبيك
وماني من اللي يختلف في وداده
عادي.. ولي مبداء يخالف مباديك
وكلن ينقي مـ المبادي (عتاده)
انا مشيتك درب.. ودي اجاريك
لكن ما بمشي على غير عادة
تدري البلا ..لا صار اصغر هقاويك
علة ومصدرها من اللاإرادة
احترامي