فيض مشاعر
[تحميل الملف من هنا/.../تحميل الملف من هنا]
./.
سولفي لي عن غرامك والحنين
.............لا تخلّي الصمت يجرح ودّنا
فضفضي مافي الحشا لا تكتمين
.............دامنا ياغلى الحبايب وحدنا
انا وانتي في هوانا مقصّرين
.............لا متى واحنا نجامل بعضنا
ليه نخفي حبّنا طول السنين
...............ليه ما نحكي ونهزم صمتنا
ونعترف ونقول احنا عاشقين
...............ويدري العالم بقصة حبّنا
ليه ما نقهر كلام العاذلين
.............ونحكي إن ماشي يفرّق بيننا
صارحيني ووعديني تهزمين
..............كل من ودّه ياعمري يذلنا
ووعدك واقسم برب العالمين
................مايفرق بيننا الا موتنا
افرحي وفرّحي قلبي الحزين
..............واغمريني بالسعاده والهنا
ياحبيبه خلّي الفرحه تبين
...............وخليّ العالم وناسه والعنا
وافتحي صفحه جديده ياحنين
...........ونسيّ اللي قد مضى من وقتنا
الشاعر
سعيد الكناني
(الوافي لنظم القوافي)
جميع الحقوق محفوظه
الأحد يوليو 03, 2011 9:22 am
