السلام عليكم ورحمة الله وبركاته. . .
متواضعه تبحث عن القبول لديكم.. ..
فقبلوها ..
آآه مــن قـلـبٍ عـشــق بـنــت بـدويــه بـنـت بــدوٍ جـاهـلـه سـلــم الـحـضـاره
عايشـه فــي عــز مــن كـفـه سخـيّـه شـيـخ قــومٍ ممتـلـي راســـه نـعــاره
عــزهّـــا بـالــديــن وعــلـــومٍ نــقــيّــه وأصـبـحـت رمــــزٍ تـعـلــىّ بـالـطـهـاره
جـــلّ مـــن حـــط بـحـلاهــا جـاذبـيــه تـهـزم عـقــول الـرجــال بـــدون غـــاره
مـــن تسـلـهـم بالـعـيـون النـرجـسـيـه بـشـرت منـهـو نـظـرهـا فـــي دمـــاره
كـنـهـا ضـابــط ف/صــفــه عـسـكـريـه والـبـنــات جــنــود قــدامـــه خــفـــاره
مـاتــمــر الا يـــــدَق ألــهـــا الـتـحــيّــه غـصـب مـاهــو بـالـرضـا والا شـطــاره
وأن حـكـت تنـصـت لـهــا كـــل الـبـريّـه لأجلـهـا كــل النـسـاء رهــن الاشـــاره
مـاحـكــو فـيـهــا ب/عــــار ولا رديّــــه ولاتمشت وسـط سـوق ووسـط حـاره
درةٍ عــــن عــيــن خــايــب مـعـتـلـيّـه ماملـكـهـا مـــن مـلــك بـــرج الـتـجـاره
عـنــد أبوها..والـبـشـر روحـــه وجــيّــه ذاك شــيــخ..وذا ولـــــد راع الامـــــاره
ماكـثـر الـلـي حلمـهـم فــي هالبـنـيّـه ولاكـثـر الـلـي عــاد ماكـمـل مـســاره
آآآآه لـيــت أمــــي يـاخـالــد شـمـريّــه وأخت أبـو هالبنـت فـي معنـى العبـاره
كــان لاجيـتـه يـشـوش مــن الحـمـيّـه وان طـلـبـتـه مــاتــردد فــــي قــــراره
أيـــه أبـيـهـا بــــس مــالــي مـقـدريّــه كيـف يسلـى القـلـب والبـنـت اختـيـاره
طـحـت كـلـي فـــي غـــرام الحايـلـيـه وأنكتب في اسمي سعد مجنون ساره