السلام عليكم ورحمة الله وبركاته
هذه مساجلة بيني وبين الشاعر القدير/ عبدالرحمن الداهومي الهاجري أتمنى أن تنال رضاكم وإعجابكم.
السيف هو لقب للشاعر سيف مطلق الاطرم وريوف شاعرة وأديبه حصلت بيني
وبينهم بعض المقتطفات والدعابات الشعريه حول أمور العشق والغرام وكنت ألومهم
في الكثير من الأحيان من باب الدعابة ألا أنه حصل ماحصل ..
تقبلوا هذا الموجز
يا بو محمد نظرته تحرق الجوف ..
.................... في موقف ٍ به ريحة البعد فاحت ..
أبطى يناظرني وأنا مِنْه .. مَشغوف !
.................... واللي ذبحني/ دمعته يوم طاحت !
دمعة حزن وفراق والعالم تشوف ..
.................... في سرّنا قدم المخاليق باحت ...
أنهت محبتنا معاناة ... وظروف
.................... لـَ أحلامنا واللي بنيناه ... زاحت !
( قرطاس طار ) وراح مع ريح عاصوف
.................... ما كنّه الاّ حِبنا ... يوم .. راحت .. !!
قلت : التعب يمكن يعوّض .. ومخلوف
.................... مير البلا ... يوم المعاليق / .. ناحت
من عقبها ... جتني .. هواجيس وكلوف
.................... ما كنّها الاّ لـَ الجنون ... استباحت ..
يا بو محمد علّم ... ( السيف .. و ريوف )
.................... راحت ونفسي عقبها ... مـَ استراحت
الحب انا مالوم ... من لافهم ... لوووف
.................... لو صاح مِنْه السيف ..وريوف صاحت !
-
رَد الشاعر : عبدالرحمن الداهومي الهاجري ..
-
شفنا المزون اللي مراديم وقنوف ..
.................... بروقها بـَ أخبار الأحداث لاحت .!
لو ان ما حنّا لها نرقب ... الشوف !
.................... اعزومنا مع جَمة البير ماحت ...
لا به رجا فيها ... ولاّ منّها .. خوف
.................... في قربها مَع بعدها قد تواحت ..
والله ماهوب حقران .. لو مابه حلووف !
.................... خطوه عن خيوط الشرابيك .. شاحت
معدال ابو شلفا .. وابو رمح منصوف ..
.................... ويدنا من كنوز المواجيب .. كاحت
لا تقضي الشعله على .. ( ربعة الصوف ) !
.................... ياهَل الرباع اللي ... مِن السمن ساحت ،
كل ٍ معه من هبة ْ الريح ... مصروف ..
.................... ولا فيه مكحوت ٍ .. ولا فيه كاحت !
البدو والشيوان .. كل ٍ له شفوف ..
.................... وانتم هَل البل لهل الضين تاحت .!
جاك الخبر يابن مطر وانت .. عاروف ،
.................... العذر في عقول العواريف ناحِتْ ..
-
وسلامتكم ،
الأحد يوليو 03, 2011 1:00 am